Charter Document - 07030332
| Charter Number: | 07030332 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f116v) |
Charter:
W[illelmus] permissione [] Officiali archidiaconi Estridinge et decano de Herthille Ad recentem propter [s]celeris enormitatem admissi memoriam reducentes meminimus modo tibi officialis tibi non nunc quam decane nostris dedisse litteris in mandatis ut super intrusione quam Ricardus de Vescy in ecclesia de Feriby nostre dioecesis sue salutis inmemor minime aggredi verebatur publica vicinie fama in ipsum conclamante adeo ut raros vel nullos latere potuit quod sic notorie commisit diligenter inquireretis ex abundanti vocatis qui fuerunt evocandi nosque super premissis et nominibus rei fautorum principalium legitime redderetis cerciores Ecce licet vestrum certificatorium in hac parte aliquamdiu expectaverimus tandem vestra exigente negligencia que excusari nequit ut attendimus ex quoquo velamine conficto locum ipsum personaliter declinavimus sic compulsi Officii igitur nostri debitum prosequentes super notorie etate intrusionis predicte per viros fide dignos canonico adhibito moderamine inquisivimus sicut decuit ad plenum Per quam quidem inquisicionem solempniter publicatam invenimus evidenter quod dictus Ricardus de Vescy propria temeritate fulcitus in ecclesiam ipsam ausu nefario se intrusit quibusdam dampnabilis secte sequacibus cooperacionis auxilium prestantibus eidem quorum nonnullos in sanctuario ipso ecclesiasticum in castri munimen sicut a propriis oculis conspeximus e[r]ronee convertentes manu invenimus ab inicio armata Rebelles verum quos ad ecclesie unitatem redire videbamus paratos admisimus eis pena pro commissa inposita canonica humiliter insistentes Quocirca vobis mandamus quatinus predictum Ricardum intrusorum ut est superius expressum ac ejus fautores quorum nomina in quadam cedula presentibus annexa duximus exprimenda quos in scriptis excommunicatos denunciamus ipso facto diebus Dominicis et aliis solemnibus et festivis per totam jurisdiccionem vestram statim post lectum Evangelium astante parochianorum multitudine campanis pulsatis accensisque candelis majoris excommunicacionis sentencia contra hujusmodi intruso res in sacra synodo salubriter promulgata solempniter et nominatim denuncietis involutos ac a communione fidelium arcius evitandos donec super tanto transgressu satisfecerint competenter Ad hec cum subsidia ceteraque ecclesiastica suffragia jure decernente hiis merito fuerint subtrahenda quibus ecclesiastica communio denegatur abbati de Melsa de Wattone Bridlingtone Kyrkham et Wartre prioribus ne de pensionibus censibus seu reditibus aliis quamdiu pertinaciter in excommunicacionis sentencia perseverare non veretur quicquam sibi solvere presumant ne dum sic eidem communicant labe eos infici eadem inprovide contingat denuncietis absque mora Ceterum ille vestrum quem hoc nostrum mandatum prius recipere contigerit id altero minime expectato absque more dispendio diligencius exequi non retardet proviso quod sic vos habeatis in execucione hujusmodi quod ad reprimendam negligenciam vestram cumulatam accedere non cogamur De die recepcionis presencium et qualiter hoc fuerit mandatum effectui mancipatum infra xv dies a recepcione presencium numerandos nos plene certificans ubicumque tunc in nostra fuerimus dioecesi per tuas litteras patentes harum seriem continentes Datum apud Beverlacum ix kalendas Septembri []