Charter Document - 07030330
| Charter Number: | 07030330 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f116r) |
Charter:
W[illelmus] permissione [] Officiali archidiaconi Clivelandie salutem [] Cum super notorie etate intrusionis facte per Ricardum de Wesci in ecclesiam de Feriby nostre dioecesis per inquisionem canonicam quam ad locum ipsum personaliter declinantes feceramus non est dudum nobis constiterit evidenter ipsum Ricardum se in ecclesiam ipsam cum quibusdam suis complicibus [quorum nomina in parte harum novissima duximus nominatim exprimenda] ausu temerario intrusisse canonicis sic horribiliter obviando institutis nos officii nostri debitum ut et oportuit legitime prosequentes predictum Ricardum ac suos complices nominatim in majoris excommunicacionis sentenciam in sacra nostra sinodo contra hujusmodi intruso res salubriter latam ac per dioecesim et provinciam nostram sufficienter publicatam sollempniter denunciamus incidisse Ne itaque ovis morbida gregem inficiat innocentem vestre devocioni firmiter injungendum mandamus quatinus predictum Ricardum ac suos complices nominatim in singulis ecclesiis archidiaconatus Clyvelandie singulis diebus Dominicis et festivis pulsatis campanis candelis accensis statim post lectum Evangelium in magna missa astante parochianorum multitudine excommunicatos sollempniter et nominatim denunciari faciatis denunciacionem hujusmodi per totum archidiaconatum taliter continuantes donec aliud vobis scripserimus super istis proviso quod sic vos habeatis in execucione hujusmodi quod vestram diligenciam re ipsa habere debeamus commendatam Ceterum cum subsidia ceteraque ecclesiastica suffragia hiis merito fuerint subtrahenda jure decernente quibus ecclesiastica communio denegatur priori de Maltone ac aliis religiosis si qui eidem obligati extiterint ad censum ne de pensionibus censibus seu reditibus aliis quamdiu pertinaciter in excommunicacionis sentencia perseverarit quidquam sibi solvere presumant ne dum sic eidem communicant labe eos infici eadem inprovide contingat denuncietis absque mora super hujus execucione mandati nos infra quindecim dies a tempore recepcionis presencium numerandos fideliter certificantes per vestras patentes litteras harum seriem continentes Datum apud Beverlacum ix kalendas Septembri anno pontificatus primo Nomina fautorum Johannes le Gras de Feriby Walterus Scalle de eadem Johannes Alleman Reginaldus le Archer Willelmus Forestarius Johannes de Neusum Willelmus filius Petri de Cave Petrus frater ejus Thomas garcio Ricardi de Vescy