Charter Document - 07030328
| Charter Number: | 07030328 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f116r) |
Charter:
W[illelmus] permissione [] decano de Hertille salutem [] Accepimus quod dolenter referimus quod quidam iniquitatis filii proprie salutis inmemores ecclesiam de Feriby violenter ingressi eam cum armis defendunt et proventus distrahunt et ausu sacrilege resistunt quominus magister Willelmum de Clyf quem ad eandem ecclesiam ad presentacionem nobilis mulieris domine Angnetis de Vescy admisimus aut procuratores sui possessionem na scissi valeant corporalem Et quia omnes predicti in sentenciam excommunicacionis inciderunt ipso facto tibi mandamus firmiter injungendo quatinus omnes hujusmodi sacrilegis per totum decanatum tuum publice et solempniter in singulis ecclesiis excommunicatos in genere denuncies et per rectores ac vicarios decanatus tui facias singulis diebus Dominicis et festivis tanquam excommunicatos nunciari Vice eciam nostra inquiras postmodum de nominibus eorundem et omnium qui favore consilio vel opere in hujusmodi sentenciam ipso facto inciderint sicut convenit diligenter et [cum] rite tibi constiterit de eisdem citas eosdem peremptorie coram nobis die certo quem eis duxeris assignandum ubicumque in nostra dioecesi [] penam pro meritis suis recepturos Volumus tamen quod eosdem per moniciones et allectionis sicut honorem Dei videris condecere ad gremium sancte matris ecclesie primitus reducere studeas sine lite Quid [] Datum apud Oxtone ix kalendas Augusti []