Charter Document - 07030312
| Charter Number: | 07030312 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f18v) |
Charter:
W[illelmus] [] decano de Holdernesse salutem [] Dominum Symonem Constabularium propter contumaciam suam et offensam excommunicavimus justicia exigente quocirca tibi mandamus quatinus eundem Symonem in nostra cathedrali ecclesia Eboracensi ac in singulis ecclesiis parochialibus ejusdem civitatis per decanum Christianitatis ejusdem loci pulsatis campanis accensis candelis statim post lectum Evaungelium astante parochianorum multitudine singulis diebus festivis et non festivis usque in octavas Pasche et post easdem octavas singulis diebus Dominicis et festivis excommunicatum denuncies solempniter vice nostra Ad hec Katerinam relictam Johanne de Danthorpe defuncti propter suam contumaciam multiplicatam eadem auctoritate et eadem solemnitate per te et per alios locis memoratis excommunicatam denuncies publice nostra vice inhibens ac inhiberi faciens omnibus et singulis ne eisdem in casu non permisso communicare presumant quoquo modo Et circa execucionem hujusmodi sic te exhibeas diligentem quod te de negligencia ne dicamus de contemptu arguere non possimus Hoc idem eciam per omnes archidiaconatus nostre dyoecesis per injuncta tua facias vice nostra celeriter publicari De execucione vero hujusmodi per te et per alios in forma qua premittitur rite facta in synodo nostra Eboracensi proximo celebranda nos [] Datum apud Burton xvij kalendas Maii pontificatus nostri anno primo