Charter Document - 07030236
| Charter Number: | 07030236 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f15v) |
Charter:
W[illelmus] permissione [] dilecto in Christo filii decano Notinghamie et rectori ecclesie Beati Petri Notinghamie salutem [] Quidam sue salutis minus solliciti nuper sicut didicimus reverentia Dei perperam postposita in Galfridum Scathelkes signum et caracterem cleri deferentem affrontem et violenter irruentes et ab hospicio rectoris antedicti non sine labe lamentabilis sacrilegii ad convicia et verbera execrabiliter extrahentes ipsum in necis confinio vel de prope dimiserunt malediccionem Dei et excommunicacionis sentenciam misere et mortifere incurrendo Quocirca vobis mandamus et injungimus in vinculo vere obediencie quatinus sceleratos hujusmodi et inimicos Altissimi singulis diebus Dominicis et festivis in singulis ecclesiis parochialibus de Notingham excommunicatos et ecclesie degeneres in genere nuncietis inquirendo specialiter et nominatim de nominibus eorundem quos coram officiali nostro Eboracensi ad certum diem super demerito et reatu hujusmodi penam canonicam recepturos sub certificacione debita legitime evocetis Datum apud Wilton vi idus Marcii pontificatus nostri anno secundo