Charter Document - 07030235
| Charter Number: | 07030235 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f15v) |
Charter:
W[illelmus] [] dilecto in Christo filii vicario de Blida salutem [] Dilecte in Christo filie domine Johanne vitam in loco juxta Blidam Deo solempniter dedicate nobis ac Waltero predecessore nostro approbantibus solitarie religiosam agentis egestati paterno compacientes affectu quam parietibus circumductam ut congruit adverse valitudinis mole jam per tempora oppressam recepimus extitisse longiora adeo quod dum sibi in cellula sua miserabiliter languenti in hiis vix sufficere cernitur que corporis regimen necessario contingunt aliis occupacionibus licitis quibus interdum vacare consuevit ob victum prevalente ejusdem inpotencia relinquitur absoluta Ne desolacionis pretextu jacturam paciatur inconsulte quam in nostram proteccionem zelo cantatis suscipere decrevimus supreme de tua industria ad plenum confidentes circumspecta curam religiose mulieris et custodiam memorate necnon familie ejusdem et bonorum tibi committimus et admittendam injungimus per presentes proviso quod omnia tam in personis quam in rebus ipsa superstite seu de medio sublata ad commodum ipsius semper honestate omnino servata discrete undique pertractentur sicut de hiis districtam te reddere volumus racionem cum super hoc te duxerimus requirendum Datum apud Scroby kalendas Januarii pontificatus nostri anno secundo