Charter Document - 07030209
| Charter Number: | 07030209 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f14r) |
Charter:
W[illelmus] permissione [] dilecto in Christo filio archidiacono Notinghamie salutem [] Presentarunt nobis dilecti in Christo filio religiosi viri abbas et conventus de Neubo magistrum Willelmum de Hottone presbiterum ad ecclesiam de Knivetone vacantem que ad presentacionem suam dicitur pertinere Verum quia inquisicione facta super statu ipsius ecclesie ac meritis presentati ad eandem prout moris est ecclesiam ipsam per tantum tempus vacare comperimus quod ipsius collacio hac vice ad nos extitit devoluta Per perpendimus eciam ecclesiam eandem tempore presentacionis hujusmodi de predicto magistro Willelmum facte ab alio fuisse de facto occupatam cujus resignacio si que esset nobis nec exhibita fuerat nec admissa Hiis et aliis variis racionibus predicto magistro ex presentacione hujusmodi ad ecclesiam memoratam nullum jus adquisitum esse attendentes presentacionem ipsam reprobavimus justicia exigente Ceterum quia de vita commendabili morum et conversacionis honeste laudabile testimonium recepimus de eodem et ipsum invenimus competenter litteratum et in ordine presbiteratus constitutum graciam specialem eidem facere volentes in hac parte prefatam ecclesiam de Knyvetone eidem magistro Willelmum premissi auctoritate [concilii] contulimus intuitu caritatis Quocirca vobis mandamus quatinus predictum Willelmum in corporalem possessionem predicte ecclesie de Knyvetone per vos seu per alium inducatis facientes eidem de fructibus et obvencionibus ipsius ecclesie a tempore induccionis hujusmodi cum integritate debita responderi Datum apud Wilton iiij kalendas Marcii pontificatus nostri anno primo