Charter Document - 07030207
| Charter Number: | 07030207 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f13v) |
Charter:
W[illelmus] permissione dilecto in Christo filio domino Henrico de Silkesthorpe militi salutem gratam et benediccionem Zelum devocionis tue quo cultum catholice fidei affectas fervide ad cunctorum Christianorum profectum et ad nullius offensam vel injuriam dilatare in Christo gratulanter et intime commendamus Ut igitur infra septa curie tue de Silkethorpe absque detrimento et quacumque injuria tue matricis ecclesie de Silkethorpe patronorum et omnium aliorum oratorium simplex et divino competens obsequio possis erigere tibique libere tue familie per ydoneum capellanum et congruum clericum sub propriis et aptis stipendiis divina possis usque ad Vincula Beati Petri absque juris et cujusquam stipendio facere celebrari ob causas legitimas per debitam inquisicionem compertas tibi graciose annuimus per presentes et assensum rectoris prehabitum in hac parte plenius acceptamus ita quod citra festum supradictum assensum pariter patronorum ad fundamentum et firmitatem negocii nobis modis omnibus representes ut hujusmodi graciam tibi gracius pro rogemus alioquin in dicto oratorio statim post festum memoratum cesset et conquiescat penitus cantaria Volumus eciam quod habito consensu patronorum per tuam cartam caveas rectori super indemnitate tuo perpetuo sicut decet et eam nobis deferas ad negocium tucius consummandum Vale Datum apud Cawode ii nonas Januarii Anno domini MCCLXX nona et pontificatus nostri primo Si autem in vestimentis ornamentis vel calice dictum oratorium defectum aliquem paciatur volumus quod per rectorem seu procuratorem ipsius totaliter idem oratorium suspendatur donec graciam nostram [merueris] in hoc casu