Charter Document - 07030206
| Charter Number: | 07030206 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Certification |
| Date: | 1279 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f13v) |
Charter:
Venerabili in Christo patri ac reverendo domino W[illelmus] Dei gracia Eboracensi [] officialis domini archidiaconi Notinghamie salutem cum omni subjeccione reverenciam et honorem Facta ad mandatum vestrum diligenti inquisicione de cartis et munimentis ad monasterium de Maresey pertinentibus pensiones et possessiones continentibus dicte domus repertum est per rectores ecclesiarum de Elkesley Kirketone et Buketone et vicarios de Wetteley Estmarkeham Westmarkeham Walesby Elkesley Suthlegertone Hedone et alios quam plures juratos quod dictum monasterium habuit ante ignis infortunium quoddam instrumentum alias in capitulo Rettefordie inspectum et recitatum sigillo bone memorie Walteri de Gray quondam Eboracensis archiepiscopi consignatum in quo instrumento continebatur ecclesias de Gamelstone et Misen esse in quinque marcis argenti predicto monasterio pensionarias annuatim Ad hec dicti jurati asserebant in virtute prestiti sacramenti ipsos vidisse et legisse quandam composicionem scriptam et consignatam inter dictum monasterium ex parte una et moniales de Wallandwelles ex altera in qua continebatur jus patronatus ecclesie de Marseye ad patronatum monasterii de Marsey integraliter pertinere In quorum testimonium sigillum officii mei presentibus est appensum Datum apud Blidam nonas Decembri Anno domini MCCLXX nono