Charter Document - 07030203
| Charter Number: | 07030203 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1279 |
| Date type: | Assigned |
| Resource Link(s): |
Borthwick Institute - Register 3 (f13v) |
Charter:
Coram vobis domine officialis domini archidiaconi Notinghamie dico ego Thomas de Gateforde faber et propono quod cum pro adulterio a me commisso per penitenciarium Suwellensem michi sit inposita gravissima pena quam gratanter recepi et gracia juvante divina perficiam penam pecuniariam pro eodem delicto a me exigere non debetis maxime cum penam corporalem arbitrio boni judicis per vos michi infligendam recipere et perficere sim paratus et tanta paupertate laborem quod ad solvendam pecuniam exactam non suppetunt facultates super quo facere fidem promptus sum per corporale sacramentum vel per inquisicionem a vicinis et proximis faciendam si vobis placuerit unde peto quod penam pro predicta pecunia non soluta michi inflictam relaxetis ipsam in aliam commutando penam