Charter Document - 07030187
| Charter Number: | 07030187 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f12v) |
Charter:
W[illelmus] permissione [] dilecto in Christo filio Archidiacono Clyvelandie vel ejus officiali salutem [] Presentarunt nobis prior [] ad ecclesiam de Welleberge que ad presentacionem suam dicitur pertinere Verum quia inquisicione facta super statu ipsius ac meritis presentati ad eandem prout moris est ecclesiam ipsam per tantum tempus vacare comperimus quod ipsius collacio hac vice ad nos extitit devoluta Perpendimus eciam ecclesiam eandem tempore presentacionis hujusmodi de predicto magistro Willelmo facte ab alio fuisse de facto occupatam cujus resignacio [si] que esset nobis nec exhibita fuerat nec admissa Hiis et aliis variis racionibus predicto magistro ex presentacione hujusmodi ad ecclesiam memoratam nullum jus adquisitum fuisse attendentes presentacionem ipsam reprobavimus justicia exigente Ceterum quia de vita commendabili morum et conversacionis honestate laudabile testimonium recepimus de eodem et ipsum invenimus competenter litteratum et in ordine presbiteratus constitutum graciam specialem eidem facere volentes in hac parte prefatam ecclesiam de Welleberge eidem magistro Willelmo premissi auctoritate Concilii contulimus intuitu caritatis Quocirca vobis mandamus quatinus [] per vos vel per alium inducatis facientes eidem de fructibus et obvencionibus ipsius ecclesie a tempore induccionis hujusmodi cum integritate debita responderi salva priori [] Datum apud Wiltone nonas Marcii Anno domini MCCLXX nono et pontificatus nostri anno primo