Charter Document - 07030179
| Charter Number: | 07030179 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f11v) |
Charter:
Serenissimo domino suo Edwardo Dei gracia regi Anglie illustri [] W[illelmus] permissione Ejusdem [] salutem in Eo per quem reges regnant et regna cuncta subsistunt Serenitati vestre notum facimus per presentes quod Johannes de Bartone et Henricus de Bartone frater ejus parochiani nostri per nos auctoritate ordinaria ob eorum multiplicatam contumaciam et offensam majoris excommunicacionis sentencia innodati in ea per quadraginta dies et amplius animo indurate pertinaciter ob durarunt et adhuc contemptis ecclesiasticis clavibus perseverant Quocirca excellencie regie supplicamus quatinus ad insolenciam predictorum rebellium reprimendam litteras vestras velitis si placet concedere secundum per optentam meritoriam et piam consuetudinem regni vestri ut quod minus valet mitis et sancta mater ecclesia in hac parte vestre majestatis potencia suppleatur Conservet vos [ecclesie] et populo suo Deus per tempora diuturna Datum apud Cawode iiij nonas Decembri Anno domini MCCLXXIX et pontificatus nostri primo