Charter Document - 07030176
| Charter Number: | 07030176 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f11r) |
Charter:
W[illelmus] permissione [] officiali archidiaconi Estridinge salutem [] Ex insinuacione Rogeri de Atone clerici et conjugati recepimus quod religionem ingredi jam proponit et quod nichil sibi in hoc obstat penitus nec resistit pro eo quod Margareta uxor ipsius de incontinencia non suspecta se lecto languescens senioque confracta ejusdem Rogeri zelo conversionis et proposito plenam voluntatem adhibet et consensum Ipsa eciam religionis habitum recipiet sicut dicit vel alias honeste et sancte conversando solempniter repromittat quoad vixerit castitatem Unde vobis mandamus quatinus an premissa sic se habeant ut suggessit diligenter et fideliter inquiratis et si inquisicionem sue suggestioni conformem inveneritis vos vice nostra personaliter consensum et licenciam predicte Margarete coram viris fide dignis puplice admittatis [et] eundem Rogerum ad ingressum quem appetit licenciando eciam Margaretam quo ad conversionem vel eciam conversacionem Deo placidam et acceptam demum cum sano consilio ordinetis sicut veri et nostri officii debito videbitis convenire Et in hiis devocioni vestre plene committimus vices nostras volentes quod quidquid feceritis in premissis faciatis ad solidam memoriam in vestris rotulis registrari Datum apud Cawode xix kalendas Septembri pontificatus nostri anno primo