Charter Document - 07030163
| Charter Number: | 07030163 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1283 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f172r) |
Charter:
W[illelmus] permissione [] dilectis in Christo filios officiali archidiaconi Eboracensi et decano Pontisfracti salutem [] Inter ceteras sollicitudines quas ex officii nostri debito amplectimur illam cernimus prompcius inpendendam qua studiosius tueri astringimur ultimas in Domino decedencium voluntates Cum itaque nonnulli testamentum taliter defuncti ex quibusdam causis conficticiis ut accepimus inpediant quominus executores testamenti ejusdem administracionem liberam assequantur devocioni vestre injungimus et mandamus quatinus faciatis in ecclesiis publice proclamari quod hujusmodi impedientes desistant penitus ab inceptis sicut majoris excommunicacionis sentenciam evitare voluerint promulgatam generaliter contra tales Quod si in rebellione sua pertinaciter perseveraverint procedatis ulterius quatenus justum fuerit contra eos Datum apud Wyltone xvj kalendas Septembri pontificatus nostri anno tertio