Charter Document - 07030144
| Charter Number: | 07030144 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1286 |
| Date type: | Internal, Calendar, Regnal |
| Resource Link(s): |
Borthwick Institute - Register 3 (f23r) |
Charter:
Edwardus Dei gracia Rex Anglie [] officiali curie Eboracensis sede vacante salutem Cum magister Robertus de Barneby persona ecclesie de Byrtone nuper implicitas set abbatem de Rupe coram vobis in curia Christianitatis super quibusdam decimis separatis infra limites ecclesie sue predicte existentibus cujus cognicio placiti ad forum ecclesiasticum et non ad nos de jure pertineat ac nos ad instanciam predicti abbatis litteras de prohibicione super catallis et debitis que non sunt de testamento vel matrimonio vobis deferentis ne vos placitum illud teneretis in eadem curia vos pretextu prohibicionis predicte placito illi supersedistis justiciam prout decet in curia Christianitatis sibi facere differentes in ipsius dampnum et ecclesie sue prejudicium non modicum et gravamen Et quia libertates ecclesiasticas in suis juribus manu tenere volumus ut tenemur vobis mandamus quod si ita est tunc occasione prohibicionis predicte non omittatis quin in placito illo procedatis et ulterius inde fieri faciatis prout de jure fuerit faciendum Teste me ipso apud Dunamanee xx die Marcii anno regis regie xiiij