Charter Document - 07030132
| Charter Number: | 07030132 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f10r) |
Charter:
Suo decano Christianitatis Eboracensis salutem [] Penitentibus de Beverlaco apud ecclesiam Beati Nicholai Eboracensis occurrere studeas cum de vicino ipsorum adventu fueris premunitus quos depositis calceamentis tena et capucio vestibus usque ad solam tunicam absque cingulo totaliter exutus inibi recipias eosque tecum cereis competentibus accensis in manibus singulorum precedentes usque pontem de Use et exinde regia strata usque ad ecclesiam nostram cathedralem cum virgis disciplinaribus insequaris ac singularibus disciplinis in facie ecclesie impensis a te ipso oblatis luminaribus solempniter in ecclesia prestitoque sacramento ab eisdem quod erga Dominum et prelatum suum reverenter decetero in omnibus et humiliter se habebunt ipsos a sentencia nostra absolvas et remittas ad propria absolutos proviso quod super nominibus ipsorum quos receperis penitentes decanum nostrum de Beverlaco certificas circumspecte Rogerum vero de Brynistone et Petrum de Catefosse presbiteros predictos penitentes cum virgis disciplinalibus insequentes prestito simili sacramento in ecclesia ab eisdem absolvas et absolutos renuncies vice nostra Datum apud Cawode iiij nonas Novembri pontificatus nostri anno tertio