Charter Document - 07030111
| Charter Number: | 07030111 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 2 (f9r) |
Charter:
Universis sancte matris ecclesie filiis presentibus innotescat quod cum magister [Thomas] de Dalton rector ecclesie de Birstalle nostre dyoecesis in divini cultus augmentum ac oportunius suscepti regiminis fulcimentum Radulphum de Liversegge presbiterum de voluntate et assensu Roberti Tylly ecclesie ejusdem patroni ad vicariam ecclesie de Birstalle predicte nobis Willelmo permissione divina Ebor Archiepiscopo Anglie primas presentaverit per nos canonice taxandam prout [in] instrumentis puplicis super hoc confectis plenius continetur nos ipsius rectoris intencionem et propositum laudabile in Domino commendantes facta inquisicione diligenti super porcionibus alteragii ecclesie ejusdem tam rectori quam ipsi Radulpho futuro vicario deliberato consilio emolumentis et oneribus diligencius hinc inde perpensis sincere prospicere cupientes affectu sic in premissis ordinandum duximus inprimis seu taxandum videlicet quod idem vicarius instituendus nomine vicarie sue percipiat omnes decimas et oblaciones ad alteragium ecclesie de Birstalle quoquo modo pertinentes una cum mesuagio gardino et crofto que Petrus de Birstalle clericus quondam de ecclesia tenuit memorata que ei duximus assignanda et decimam feni tocius parochie excepta decima feni de dominicis pratis domini Ricardi de Thornhille militis Roberti Tylly et Rogeri de Liversegge proveniente quam in usus rectoris relinquimus convertendam qui quidem vicarius de synodalibus et oneribus vicarie integraliter respondebit et solvet rectori ecclesie nomine annue pensionis quinque marcas in terminis Pasche et Sancti Michaelis per partes equales Rector vero predicte ecclesie de procuracione archidiaconi respondebit et decimas garbarum per totam parochiam suam percipiet universas de quibus vicarius ecclesie ejusdem se nullatenus intromittat Preterea decem solidos annuos de capella de Tonge infra limites parochialis ecclesie de Birstalle constituta provenientes percipiet idem vicarius ita videlicet quod cedente vel descendente firmaris capelle ejusdem vicarius totum alteragium percipiat et capelle deserviat competenter eidem ac ministret Ad presentacionem igitur magistri Thome de Daltone rectoris ecclesie de Byrstalle antedicte Radulphum de Liversegge presbiterum ad vicariam ecclesie predicte per nos ut premisimus taxatam caritatis intuitu admittimus et vicarium perpetuum instituimus in eadem salva nobis et successoribus nostris potestate libera ipsam vicariam si viderimus expedire absque cujuscumque reclamacionis obstaculo augmentandi et just a de causa minuendi ac de ipsa alias ordinandi prout de jure fuerit faciendum Datum apud Thorp iij nonas Februarii Anno gratie MCCLXXX et pontificatus nostri anno secundo