Charter Document - 07030097
| Charter Number: | 07030097 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f8v) |
Charter:
Reverendo in Christo patri et domino W[illelmus] [] sui devoti filii prior et conventus Sancti Andree Eboracensis salutem obedienciam reverenciam et honorem Quia apostasie vicium exercentes ac eciam majoris excommunicacionis vinculo innodati a communione fidelium juris exigencia repelluntur ne communicantes cum hujusmodi excommunicatis et apostasiis excommunicacionis sentencia involvantur vestre reverende paternitati significare digne duximus per presentes quod Ricardus de Kyrkeby et Alanus de Thorpe fratres et concanonici nostri in ordine nostro professi sue salutis inmemores sancte religionis sue habitum horribiliter relinquentes de observanciis regule ordinis ipsius non curantes nectantur et furtive perperam recesserunt in sancte religionis contemptum et suarum periculum animarum Quocirca reverendam paternitatem vestram duximus presentibus supplicandam quatinus ipsos Ricardus et Alanus quos pro offensa et contumacia eorundem excommunicavimus unanimiter et excommunicatos denunciavimus in capitulo et conventu velitis per vestram dyoecesim eos taliter excommunicatos universis et singulis facere pro excommunicatis et apostasiis puplice nunciari et ab omnibus arcius evitari ac eciam cum per xl dies in hujusmodi excommunicacionis sentencia perduraverint claves ecclesie contempnendo dignemini si placet secundum per optentam meritoriam et piam consuetudinem hujus regni seculare brachium invocare Conservet vos [] Datum apud Ebor xiij kalendas Septembri Anno domini MCCLXXX