Charter Document - 07030075
| Charter Number: | 07030075 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f7r) |
Charter:
Anno ab incarnacione Domini MCCLXX nono sexto idus Januarii visitacione et inquisicione factis in monasterio de Seleby tam in capite quam in membris per nos Willelmum Dei gracia Ebor archiepiscopus Anglie primas compertum est quod abbas Thomas ejusdem monasterii regulam Sancti Benedicti non observat missam non cantat non predicat non informat capitulum raro intrat correcciones non facit ut tenetur in refectorio raro comedit in dormitorio nunquam jacet chorum raro ingreditur raro audit matutinas extra lectum infirmos non visitat carnibus publice vescitur coram laycis in maneriis suis et alibi extra septa monasterii sui et eciam in monasterio suo quartis feriis indistincte fratribus suis contumeliosus est et injuriosus rixosus et tumultuosus in conventu statuta sanctorum patrum archiepiscoporum omnino contempnit nec observat et breviter in omnibus divinis officiis et in hiis que spectant ad regularem disciplinam negligens et male se habens et est incorrigibilis omnino Item abbas alienavit absque consensu conventus sui terras maneria decimas possessiones et pensiones ac corredia videlicet manerium de Chelleslawe manerium de Stantone ubi sunt xiiij carucata terre terram que fuit Johannis de Seleby terram que vocatur Reddrindg Auizreding Langereding quas tres ultimas terras dedit fratri suo Johanni pensionem iiii marcarum quam dedit Thome nepoti suo corredium Willelmi de Wistowe Item decimam de Duffelde et pecuniam pro predictis alienacionibus receptam consumpsit pro voluntate sua Item compertum est [quod] per negligenciam suam amisit firmam de Mideforde decimam de Agrum firmam de Stayngtone decimam de Cunneby Item libertates in villa de Snayth Item compertum est quod maneria domus tradidit custodienda consanguineis suis garcionibus et rybaldis et cum per manus eorundem pecuniam receperit pro bladis et aliis ipsam consumit pro voluntate sua absque compoto reddendo conventui Item compertum est quod obedientiariis ponit pro voluntate sua et sibi favorabiles de quibus pecuniam et alia bona domus cum receperit ea consumit ubi vult sine consilio conventus sui et compoto reddendo Item compertum est quod nemora [s]cindit vendit pecuniam consumit ubi vult Item abbas notatur de incontinencia cum domina de Queneby et cum filia Bodeman manentis ad portam monasterii de qua suscitavit prolem ut dicitur pro qua adhuc pendet purgacio sibi indicta per archiepiscopum jam defunctum Item compertum [est] quod est perjurus quia juratus ante installacionem suam ultimam quod cartas de Stallyngburghe statim cum fuerit installatus restitueret et adhuc non restituit Item compertum est quod abbas est excommunicatus turn quia decimam domini pape non solvit et si quam aliquando solvit suis terminis non solvit tum quia decimam capelle de Wytelay assignatam ad elemosinam sentencia lata in contravenientes in usus alios convertit turn quia non observavit set omnino contempsit statuta Walteri Eboracensis tunc archiepiscopi pro quibus sentencia lata est in contravenientes tum quia manus violentas injecit in fratrem Robertum de Eboraco sanguinem extrahendo et in Willelmum de Stormeworthe ipsum de choro extrahendo item in Thomam [de] Snayth clericum extrahendo sanguinem ab ipso cui pro redempcione quasdam decimas apud Snayth assignavit Item compertum est quod abbas procuravit Elyam Fauuelle incantatorem et sortilegum ad querendum corpus fratris sui defuncti submersi in aqua de Use propter quod expendit magnam pecunie summam et ex predictis causis excommunicatus immiscuit se divinis