Charter Document - 07030072
| Charter Number: | 07030072 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f7r) |
Charter:
W[illelmus] [] venerabilibus fratribus et coepiscopis nostris necnon et dilectis in Christo filios abbatibus prioribus archidiaconis officialibus decanis et aliis ecclesiarum prelatis universis per Eboracenses dioecesim et provinciam constitutis salutem gratiam et benediccionem Attendentes quod reparacio poncium ultra flumina de Don et Cheswalt apud Danecastriam ad vitandum pericula consueta est admodum necessaria tam incolis quam eciam transeuntibus ad subveniendum eidem fidelium mentes duximus excitandas quatinus et emolumentum temporale recipiant transeuntes et meritum spirituale qui manus porrexerint adjutrices Quapropter universitati vestre presencium tenore mandamus in remissionem vobis peccaminum injungentes quatinus procuratores poncium predictorum cum ad vos venerint pro fidelium elemosinis colligendis admittentes benigne parochianos et subditos vestros efficaciter inducatis quod de bonis a Deo sibi collatis ad reparacionem predictam caritative conferant subsidia caritatis Nos enim de Dei misericordia Beate Virginis Marie Beatorum Apostolorum Petri et Pauli necnon Beati Willelmi confessoris gloriosi omniumque Sanctorum meritis confidentes omnibus parochianis nostris et aliis quorum dioecesani hanc nostram indulgenciam ratam habuerint de peccatis suis vere contritis penitentibus et confessis qui juxta exhortacionem nostram predictam subvenerint pontibus memoratis quadraginta dies de injuncta sibi penitencia relaxamus indulgencias a venerabilibus fratribus et coepiscopis nostris subventoribus antedictis pie concessas et impostorum concedendas ratas habentes et gratas presentibus post triennium minime valituris Datum apud Cawod viij idus Decembre anno domini MCCLXX nono et pontificatus nostri primo