Charter Document - 07030047
| Charter Number: | 07030047 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f5r) |
Charter:
W[illelmus] permissione [] dilectis in Christo filiis capitulo Beverlacensi seu procuratori ejusdem salutem [] Cum Ricardum filium Sabine Robertum Ingelberde omnesque complices eorundem consiliarios et fautores presertim in appellacione per eos ad tuicionem Curie Cantuarensis interposita et prosecuta contra libertates et privilegia ecclesie nostre Eboracensis cum communicantibus eisdem aquam vel ignem imparciando in mercimoniis quibuscumque contrahendo ob offensam ipsorum manifestam justicia ex communicaverimus exigente loca omnia nostre dioecesis et provincie ad que diverterint mercimonia exercendo quamdiu iidem excommunicati inibi fuerint ecclesiastico nihilominus supponentes interdicto exceptis illis qui ad satisfaccionem jam venerunt vobis mandamus quatinus ipsos sic excommunicatos publice omnibus diebus Dominicis et festivis denuncietis vice nostra donec ad gremium sancte matris ecclesie redeuntes absolucionis beneficium optinere promeruerint in hac parte Datum apud Burton iiij idus Februarii