Charter Document - 07030035
| Charter Number: | 07030035 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f3v) |
Charter:
W[illelmus] permissione [] dilectis in Christo filiis capitulo Suwellensi salutem [] Conveniens perpendimus et honestum quod subditi nostri exteriores a celebri et insigni loco ecclesie et sponse nostre Suwellensis lucernam capiant et exemplum Unde devocioni vestre injungimus in virtute fidelitatis et fidei qua Deo et nobis tenemini quatinus omnes capellas et ecclesias domos edificia et loca ad prebendas et communem Suwellensis ecclesie intus vel extra qualitercumque pertinencia absque cujuslibet more injusto dispendio faciatis ex plena potestate quam habetis et ex officio eciam vice nostra si opus fuerit convenienter et debite reparari alioquin ecce accingimur vestris non obstantibus libertatibus ut negligenciam vestram in premissis et aliis animarum periculum vel Dei displicenciam contingentibus personaliter et provide suppleamus Datum apud Rufforde kalendas Junii