Charter Document - 07030024
| Charter Number: | 07030024 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f154r) |
Charter:
W[illelmus] [] dilectis in Christo filios decano et capitulo Eboracensi salutem [] Prosperate consummacionis effectum que contencioso certamini nonnunquam supponuntur eo felicius plerumque sorciuntur quo circumspeccius premissa sub cauciori regimine fuerint prosecuta Commune itaque nostrum et ecclesie nostre negocium quod contra Dunelmenses efficaciter amplectimur totis viribus prosequi cupientes per Dei graciam et fovere adeo quod pelli pocius cedere intendimus quam in perpetuam ecclesie nostre ignominiam tepide [quod absit] jam desistere ab inceptis attendentes tam arduum negocium in manibus simplicium personarum periculose vagari posse forsitan et perire industriam dilecti filii magistri Thome ecclesie nostre cancellarii viri utique note auctoritatis ubi libet et probate de cujus eminenti pericia diligencia et constancia presertim confidimus pura mente ad prosequendum jus nostrum in Romana Curia studiosius duximus preferendam ac ipsum cum instancia licet nobis hactenus omnino minime adquieverit in hac parte ad hujusmodi onus votive sol[l]icitavimus supportandum Vos igitur quos medullitus contingit quod duximus suggerendum rogando exhortatus attente quatinus prefatum fratrem vestrum allicere conemini modis omnibus ad consensum ut ad eternam superstitum fratrum memoriam redintegrate ecclesie nostre statu dispendioso mutilato ab antique cedat labor quem inpendet fructuose pro eadem Datum apud Alwenton ij idus Julii anno gratie MCC octogesimo primo et pontificatus secundo