Charter Document - 07030012
| Charter Number: | 07030012 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f97v) |
Charter:
W[illelmus] permissione [] dilectis in Christo filios magistris Thome de Correbrigge et Henrico de Neuwerke clericis nostris confidentibus salutem cum divina et nostra benediccione Celebris sponse nostre Eboracensis ecclesie quietem prosperitatem et fructum zelo sollicito sci cientes ut eleccionis negocium de persona precordialis in Christo filio magistri R[obertus] de Scartheburge nuper celebrate in decanum Eboracensem inter cetera ipsam ecclesiam contingencia ad honorem et beneplacitum Salvatoris rite procedat visceraliter et continuo affectamus Quocirca de sancta et circumspecta industria vestra coram Christo et hominibus fidem solidam reportantes vobis simul et conjunctim dicte eleccionis examinacionem confirmacionem vel infirmacionem prout alterutrum eorum de jure occurrerit faciendum committimus per presentes et si forsan contra personam electi aliqua obici contigerit per quemcumque tam objecta quam obicienda audiendi et ea prout justum fuerit terminandi vobis committimus potestatem proviso quod processus et progressus vestre devocionis in hac parte nos ad gloriam et meritum exonerent ante Deum Bene valete Datum apud Wylton xvij kalendas Februarii anno domini MCCLXX nono et pontificatus nostri primo