Charter Document - 07030011
| Charter Number: | 07030011 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1279 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f97v) |
Charter:
W[illelmus] permissione [] dilectis in Christo filios capitulo Eboracensi salutem gratiam et benedictionem Intendimus Dei coadjuvante clemencia in crastino Circumcisionis Domini jam instantis facies et personas vestras quas in Christo visceraliter amplectimur in capitulo vestro Eboracensi personaliter intueri ac visitacionis et inquisicionis officium quatenus absque cujuslibet juris injuria sive vestrarum libertatum offensa poterimus ad exordium et firmum fundamentum quorundam actuum subsequencium ibidem sicut condecet et necessario expedit inchoare Quocirca devocioni vestre tenore presencium nunciamus et injungimus quatinus omnes et singuli qui comode interesse poteritis dicto die nobis ultis votivos et filiales [affectus in] exemplum potens ceterorum reverenter et provide pretendatis ut in odore manifesto unitatis et [voti ad honorem Dei et sancte sue ecclesie] viriliter concurramus Valete Datum apud Cawode ij idus Decembri pontificatus nostri anno primo