Charter Document - 07026720
| Charter Number: | 07026720 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1270 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f100v) |
Charter:
W[alterus] [] priori et conventui de Seleby salutem [] Cum dilectus in Cristo filius frater Thomas de Walleye electionem de se factam per vos in abbatem vestrum defectibus manifestis subjectam fore conspiciens eidem et omni juri quod sibi ex ea possit competere sponte renunciaverit et expresse propter quod providendi monasterio vestro de abbate ad nos potestas hac vice fuerit devoluta [et] nos pensatis oneribus monasterii et strenuitate personas dicti Thome qua vos et domum vestram ob causas multiplices potissime Deo propitio poterit relevare sperantes insuper quod gregem sibi commissum studiosius informare curabit doctrina salubri et sanctitatis exemplo vobis ipsum auctoritate ordinaria in patrem dederimus et perfecerimus in pastorem vobis mandamus firmiter injungentes quatinus eidem sicut abbati vestro intendatis de cetero impendentes ei sicut convenit obedientiam reverentiam et honorem ac admittentes humiliter ejus monita et mandata ita quod vestra devotio debeat inde merito commendari Valeatis Datum London v nonas Julii pontificatus nostri anno quarto