Charter Document - 07025720
| Charter Number: | 07025720 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f100v) |
Charter:
W[alterus] permissione [] officiali suo salutem [] Cum propter manifestos defectus electionis facte de fratre Thoma de Walleye in abbatem monasterii de Seleby eo renunciante juri suo quod habuit per eandem spontanee et expresse ad nos providendi monasterio de abbate hac vice potestas fuerit devoluta nosque considerata strenuitate et industria dicti Thome sperantes etiam quod tam in spiritualibus quam temporalibus monasterium supradictum Deo propitio studebit et poterit relevare ipsum auctoritate ordinaria prefecimus in abbatem vobis mandamus quatinus spiritualia dicti monasterii ad nos pertinentia vice nostra committatis eidem et sicut moris est ipsum canonice instillatis priori et conventui firmiter injungentes quod ei tanquam patri et pastori deinceps obedientes intendant Proviso quod sigillum commune secundum statuta domus et mores ejus ei et aliis de conventu sollempniter committatur ut eo in domus negotiis uti possint libere sicut communiter viderint expedire