Charter Document - 07025169
| Charter Number: | 07025169 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1279 |
| Date type: | Internal, A.D. |
| Resource Link(s): |
Borthwick Institute - Register 2 (f22r) |
Charter:
Universis Cristi fidelibus presens scriptum inspecturis vel audituris frater Joseph de Chauncy sancte domus Hospitalis Jerosolomitane prior humilis in Anglie salutem Volentes note suspicionem in gratitudinis radicitus evitare bona fide promittimus in hiis scriptis vicariam ecclesie Sancti Felicis nobis per bone memorie venerabilem patrem Walterum Giffard Ebor archiepiscopum et ejusdem loci capitulum in usus proprios concesse integram in omnibus suis conditionibus cum habitatione ad eadem vicariam pertinente ecclesie supradicte inperpetuum permanere Tenore presentium etiam approbantes quod archiepiscopus qui pro tempore fuerit dictam vicariam cum vacaverit libere conferat cui voluerit secundum quod in eadem appropriatione plenius continetur Quod si contra premissa quod absit contigerit nos venire concedimus quod per archiepiscopum et capitulum Ebor dicta appropriatio revocetur In cujus rei testimonium sigillum nostrum commune apposuimus huic scripto cirograffato Hiis testibus fratre Willelmo de Haulye fratre Willelmo de Weston fratre Waltero de Perem fratre Waltero de Holme fratre Rogero de Wades et aliis Datum apud Meltheburn in celebratione capituli nostri Anno Domini MCCLXXIX