Charter Document - 07024798
| Charter Number: | 07024798 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1276 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f111v) |
Charter:
Venerabili patri in Cristo domino W[alterus] dei gratia Ebor Archiepiscopus Anglie primas devoti sui Willelmus decanus et capitulum Ebor salutem cum omni reverentia debita tanto patri Hospitali Sancti Petri Ebor per ingressum fratris Thome in Ordinum Minorum quondam rectoris ipsius sine regimine permanente dominum Rogerum de Malton penitentiarium vestrum concorditer elegimus in magistrum quem ad vestram paternitatem mittimus confirmandum rogantes humiliter et devote quatinus munus confirmationis impendere velitis eidem Credimus enim quod in temporalibus et spiritualibus erit processu temporis pauperibus fructuosus qui in omni officio quod gessit exactam consuevit diligentiam adhibere Et ad petendum a vobis confirmationem ipsius dilectos concanonicos nostros dominum archidiaconum et magistrum Johannem le Gras procuratores constituimus ratum habituri et gratum quidquid in dicto negotio duxerint faciendum In cujus rei testimonium presentes litteras sigillo capituli nostri fecimus sigillari Datum Ebor iij kalendas Junii Anno Domini MCC septuagesimo sexto