Charter Document - 07024169
| Charter Number: | 07024169 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 2 (f22r) Reference Document for this Embedded Document |
Charter:
Universis [] Walterus permissione divina [] salutem in omnium Salvatore Ad perpetuam et meritoriam rei memoriam et in honore et nomine ejusdem Salvatoris Amen Affectiones et liberales motus misericordie qui pertingere non sufficiunt ad finem felicitatis et efficaciam preconceptam opem consolationis et gratiam pre impotentia et inopia hujusmodi pie deposcunt et merentur propitius prepotentum Ad sinceram siquidem mentem misericordie reducentes quanta quamquam hilaris et grata hospitalitas honorificentia et sustentatio pauperibus depressis divitibus hospitibus et captivis in acceptabili Deo domo Hospitalis Jerusolomitani hactenus effluxerit crebroque succrescit ingenti exultatione et gaudio gratulamur Attendentes insuper quam prona constans et largiflua liberalitas i[m]mineret multifarie in domo predicta si votis corresponderet opulentia temporalis nos super ipsius domus salutiferis affectibus et reluctantibus inopis ex compassionis visceribus acrius commovemur jugiter etiam revolvimus et attente ac frequenti libramine summam liberalitatem quam dicte domus fratres Hospitalarii exhibent ponderamus Nos igitur ad gratam et spontaneam subsidii augmentationem ejusdem domus et ordinis et ad dilationem meriti nostri et in presidium hospitalitatis sue facilius exercende ecclesiam Sancti Felicis nostre dioecesis cujus ecclesie dicti hospitalarii sunt patroni cum omnibus suis appendiciis et juribus in pios et proprios usus dicte domui et ejus fratribus Hospitalariis paternis affectibus deputamus et eam certis de causis et necessariis appropriamus obtentu et fiducia Salvatoris jure archidiaconali si quod ibi competat in omnibus semper salvo Ordinamus insuper quod dicta domus de predicta ecclesia per manus Magistri Johannis de Craucumbe qui dictam ecclesiam possidet singulis annis quamdiu idem Johannes duraverit in hac vita quadraginta solidos sterlingorum nomine rectoria cure et regiminis recipiat in festo Beati Michaelis apud ecclesiam memoratam idemque Johannes cunctas obventiones fructus et comoda residua ipsius ecclesie nomine simplicis beneficii sine cura libere percipiat et habeat sua vita Habeat etiam domos et aream annexas ecclesie memorate quas idem Johannes possidet sine contradictione cujusquam suo perpetuo et continue de cetero ab hac die Volumus etiam quod ordinaria et extraordinaria cum acciderent inter eundem Magistrum Johannem et vicarium ipsius ecclesie modo consueto provide partiantur Collationem etiam ipsius vicarie nobis et successoribus nostris totaliter reservamus In cujus rei testimonium sigillum nostrum apponi fecimus huic scripto Datum apud Lanum xvj kalendas Maii Anno Domini MCCLXX nono et pontificatus nostri xiij