Charter Document - 07023910
| Charter Number: | 07023910 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1275 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f137v) |
Charter:
In nomine Patris et Filii et Spiritus Sancti Amen Universis Sancte Matris Ecclesie filiis ad quorum notitiam presentes littere pervenerint frater Rogerus de Yngoldeby subprior [] et capitulum ejusdem loci salutem in Domino sempiternam Monasterio nostro predicto nuper prioris solatio destituto per amotionem fratris Willelmi dicti Hog tunc prioris loci ejusdem factam per venerabilem patrem nostrum Ebor archiepiscopum inibi ex officii sui debito visitantem receptoque ab eodem venerabili patri in mandatis ut ad providendum ecclesie nostre de priore ad electionem faciendam procederemus convenientes in capitulo nostro de Boulton omnes canonici loci ejusdem inibi presentes de die electionis futuri prioris faciende tractaverunt statuentes et prefigentes de consensu et assensu omnium canonicorum crastinum Sancti Luce Evangeliste Anno Domini MCCLXX quinto diem ad futurum priorem eligendum Quo die adveniente xiiij kalendas Novembre anno supradicto presentibus omnibus canonicis in capitulo qui debuerunt et potuerunt hujusmodi electioni interesse invocata Spiritus Sancti gratia lecta coram eisdem constitutione Concilii Generalis tandem placuit omnibus et singulis per viam scrutinii providere ecclesie nostre viduate et sic assumpti fuerunt tres de capitulo fide digni videlicet fratres Rogerus de Yngoldeby subprior Willelmus dictus Marescallus et Johannes de Otteley scrutatores seu votorum inquisitores ut ipsi juxta formam predicti Concilii secreto et singillatim vota cunctorum exquirerent diligenter et in scriptis redigerent et mox in communi publicarent Quibus omnibus in eodem capitulo plene peractis audita votorum publicatione quia liquido constabat quod omnes canonici loci predicti in fratrem Johannem de Lund concanonicum suum consenserant et in ipsum vota sua direxerant excepta dumtaxat persona electa incontinenti frater Rogerus de Yngoldeby subprior ejusdem loci vice sua et vice et mandate omnium concanonicorum suorum ecclesie memorate predictum fratrem Johannem de Lund virum utique religiosum honestum in spiritualibus et temporalibus circumspectum in priorem monasterii de Boulton elegit in forma subscripta