Charter Document - 07023720
| Charter Number: | 07023720 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f100r) Reference Document for this Embedded Document |
Charter:
Ego frater Thomas de Walleye electus monasterii de Seleby Ebor dioecesis minus confidens de electione de me facta metuens ipsam in processu seu forma peccatis aut defectibus fore subjectam eidem electioni de me facte et omni juri quod michi competit aut competere poterit ex eadem expresse renuncio in hiis scriptis petens humiliter et devote quod eidem monasterio pastoris solatio destituto de aliqua persona provida et honesta vestra velit reverenda paternitas auctoritate vestra ordinaria providere Electione igitur supradicta nobis ut predictum est presentata et rationibus hinc inde tam videlicet pro electione quam contra electionem propositis demum tu domine electe de viribus electionis minus confidens spontanea voluntate absolute et libere renunciasti omni juri quod tibi ex predicta electione competere poterat necnon et omni appellationi jurisque remedio quod tibi competere poterat in hac parte supplicans nobis humiliter et devote ut de quacumque persona ydonea et honesta prout secundum Deum expedire videlicet videremus curaremus ipsi monasterio providere Et nos ipsam renunciationem spontaneam admisimus utpote qui ipsam electionem reputavimus vitiosam considerantes tamen utilitatem monasterii meritaque tue persona qui in ipso monasterio diu es laudabiliter conversatus et ipsi monasterio quandoque utiliter prefuisti atque fidele testimonium per litteras prelatorum de tua conversatione honesta post ipsius monasterii cessionem credentes onera ipsius monasterii per te melius posse quam per alium relevari utpote quem tam in spiritualibus quam temporalibus novimus circumspectum de clericorum nostrorum et aliorum discretorum virorum consilio te monasterii ipsius de Seleby regimini auctoritate nostra perficimus et de te de nostra gratia speciali ipsi monasterio providemus tibi in virtute obedientie injungentes quatinus curam tibi injunctam devote suscipias et in ea laudabiliter administres