Charter Document - 07022798
| Charter Number: | 07022798 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1276 |
| Date type: | Internal, A.D., Feast |
| Resource Link(s): |
Borthwick Institute - Register 2 (f111v) |
Charter:
In nomine Domini Amen Anno Domini MCCLXX sexto mense Aprilis die Annunciationis Beate Marie hospitali Sancti Petri Ebor magistri solatio destituto per ingressum fratris Thoma quondam rectoris ipsius in Ordinem Minorum die Sab[b]ati proxima post Ascensionem Domini anno eodem continuata cum die precedenti a capitulo Ebor ad eligendum prefixo vocatis omnibus canonicis et presentibus qui voluerunt debuerunt et potuerunt com[m]ode interesse in ecclesia cathedrali placuit omnibus et singulis per viam procedere compromissi Et sic de communi voluntate omnium et singulorum electi fuerunt domini decanus archidiaconus et magister Johannes le Gras canonici Ebor ut providerent dicto hospitali vice omnium de magistro Qui inter se habito diligenti tractatu dominum Rogerum de Malton in rectorem dicti hospitalis concorditer elegerunt Et sic dominus decanus de mandato suorum com promissa ariorum et omnium elegit in magistrum hospitalis prefatum dominum Rogerum virum providum et discretum Et quod huic decreto fides adhibeatur nos decanus et capitulum illud sigillo capituli nostri fecimus sigillari Acta in capitulo Ebor die et anno prenotatis