Charter Document - 07022728
| Charter Number: | 07022728 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1270 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f103v) |
Charter:
W[alterus] permissione divina [] dilecto in Cristo filio officiali suo salutem gratiam et benedictam Cum nobilis vir comes Warennie sicut nobis datum est intelligi quandam summam pecunie ad opus suum per domini regis preceptum faciat in comitatu Ebor per vice comitem et ejus ballivos levari ratione turbationis preterite quam credimus jam sedari et ab hominibus nostris ipsam pro parte requiri procuret sicut ballivus noster de Shireburne plenius vobis exponet licet per nos vel venerabiles fratres nostros nichil sit inde sibi concessum vobis mandamus quatinus exactores pecunie memorate si qui in terris nostris apparuerint moneri faciatis efficaciter et induci quod ab exactione hujusmodi desistant et districtionem si quam fecerint deliberent sine mora alioquin per censuram ecclesiasticam ad requisitionem dicti ballivi secundum quod expedire videritis auctoritate nostra compescere studeatis Valeatis Datum apud Churchedon vij idus Martii pontificatus nostri anno iij