Charter Document - 07021910
| Charter Number: | 07021910 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1275 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f137r) |
Charter:
In nomini Patris et Filii et Spiritus Sancti Amen xij kalendas Novembris Anno Domini MCCLXXV monasterio Beate Marie de Boulton in Cravene ordinis Sancti Augustini Ebor dioecesis prioris solatis destituto per amotionem fratris Willelmus dicti Hog quondam prioris loci ejusdem per venerabilem patrem archiepiscopum Ebor factam prout per litteras ejusdem venerabilis patris plenius apparebat convenientibus omnibus canonicis prefati monasterii dicta die prefixa videlicet xiiij kalendas Novembris anno supradicto in capitulo secundum antiquam et approbatam consuetudinem ejusdem ecclesie ad eligendum priorem et presentibus omnibus et singulis canonicis monasterii antedicti qui debuerunt et potuerunt hujusmodi electioni interesse invocata Spiritus Sancti gratia habito tractatu diligenti de futuri prioris electione tandem placuit omnibus et singulis per viam scrutinii procedere ad providendum dicto monasterio de priore Et sic de communi voluntate omnium et singulorum electi fuerunt tres canonici fide digni loci ejusdem scrutatores seu inquisitores voluntatum videlicet fratres Rogerus de Yngoldeby subprior Willelmus dictus Marescallus et Johannes de Ottele ut ipsi solum Deum per oculis habentes vota singulorum secreto et singillatim inquirerent quibus in scriptis redactis mox ea publicarent et sic demum eligeretur in quem omnis vel major et sanior pars consentiret Acta in capitulo de Boulton anno et die superius annotatis