Charter Document - 07021894
| Charter Number: | 07021894 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1275 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f131r) |
Charter:
Pateat universis ad quorum notitiam pervenerit hec scriptura quod nos W[alterus] [] tenemur solvere magistro Roberto de Braundon canonico Wellensi executori testamenti domini Johannes de Button primi quondam prepositi Wellensis et aliis executoribus suis in domo Sancti Oswaldi Glovernie ad festum Beati Michaelis Anno Domini MCCLXXVI xxli sterlingorum quas a dicto preposito mutuo dum vixit recepimus Quam quidem pecunie summam dicto magistro Roberto vel ejus procuratori dictis termino et loco cessante cavillatione qualibet persolvemus renunciantes penitus in premissis omni exceptioni et remedio impetrato vel etiam impetrando per quod possemus nos contra dictam solutionem defendere vel tueri In cujus rei testimonium sigillum nostrum apponi fecimus huic scripto Datum apud Stanewelle v kalendas Junii pontificatus nostri anno nono