Charter Document - 07021856

Gregorius episcopus servus servorum Dei dilectis filiis magistro Reimundo de Nogeriis capellano nostro et fratri Johannes de Derlinton Ordinis Predicatorum salutem et apostolicam benedictionem Quanto ex[is]timamus negotium Terre Sancte solemnius quanto magis insidet cordi nostro tanto amplius ad executionem ipsius et eorum que spectant ad ipsum personas exquirimus ydone ores illud specialiter in eorum ydonietate querentes ut fidelitate ac prudentia vigeant et zelo ferveant ad idem negotium prosequendum hoc de personis vestris laudabile nobis testimonium a fide dignis exhibitum pollicetur Cum itaque approbante sacro generali concilio nuper congregato Lugduni decimam omnium ecclesiasticorum redituum et proventuum ad Terre predicte subsidium per sex annos a festo Nativitatis Beati Johannis Baptiste transacto novissime numerandos duxerimus concedendam discretioni vestre presentium auctoritate mandamus quatinus predicta decime colligenda in omnibus partibus regni Anglie modo subscripto sollicite curam geritis videlicet ut in singulis civitatibus et dioecesibus regni ejusdem de consilio locorum ordinariorum aut ejus vices gerentis si dioecesanus ipse absens fuerit et duorum fide dignorum de ecclesia cathedrali constitutorum in dignitatibus seu aliorum quo ad non exemptos quo ad exemptos vero de consilio aliquorum proborum de contracta deputetis duas personas facultatibus si tales inveniantur commode ac alias ydoneas ad collectionis hujusmodi ministerium exequendum Collectores vero quos ut premittitur deputabitis in forma jurare faciatis infrascripta Et vos nihilominus idem regnum et partes easdem circueat is diligentius scrutatori qualiter in commisse sibi dicte collectionis officio iidem se habeant collectores qualiter ipsis de decima satis fiat collectamque per ipsos ex decima ipsa pecuniam de predictorum ordinarii et aliorum [consilio] mutandi collectores ipsos quotiens vid[er]itis expedire ac eos compellendi ad reddendum coram eisdem ordinariis et aliis vobis compotum de collectis et contradictores quoslibet auctoritate Apostolica per censuram ecclesiasticam compescendi plenam eadem auctoritate concedimus potestatem Et ut tam vos quam dicti collectores de vestris laboribus fructum reportetis premissa vobis et eis in remissione peccatorum injungimus et nihilominus a prestatione decime pro annis illis quibus circa ea laborabitis volumus esse immunes Vos preterea illius indulgentia concedimus esse participes que cru[ce]signatis personaliter transfretantibus in Terra Sancte subsidium est concessa non obstante si aliquibus a Sede Apostolica sit indultum quod interdici suspendi vel excommunicari non possint per litteras Apostolicas que de indulto hujusmodi ac tota ejus continentia de verbo ad verbum et de propriis locorum [et] personarum nominibus personalem plenam et expressam non fecerint mentionem sive quibuslibet aliis indulgentiis vel litteris quibuscumque dignitatibus ordinibus locis vel personis generaliter aut specialiter sub quacumque forma vel conceptione verborum ab eadem Sede concessis de quibus quorumve tenoribus totis de verbo ad verbum in nostris litteris specialis plena et expressa mentio sit habenda Volumus autem ut frequenter nobis scribere studeatis quid actum fuerit in qualibet provincia tam circa collectores quam circa collectionis quantitatem collectam ipsius depositionem locum depositionis ac modum considerantes itaque quod in premissis negotium Dei prosequamini et in conspectu ejus agitis qui omnia discernit sibique necnon et nobis qui circa hec omnem diligentiam adhibere intendimus tenebamini reddere rationem ab utroque pro meritis recepturi sic prudenter in illis habere vos studeatis sic consulte quod in utriusque judicio non solum vitetis pene confusionisque discrimina set laudis titulos et gratiam ac retributionis premium assequi valeatis Forma autem juramenti quod prestare volumus collectores eosdem hec est Juro ego a magistro Reimundo et fratre Johannes auctoritate domini pape deputatis collectoribus ad exigendum colligendum et recipiendum decimam omnium redituum et proventuum ecclesiasticorum ab omnibus personis ecclesiasticis [exemptis et] non exemptis in civitate et dioecesi constitutis a Sede Apostolica pro subsidio Terre Sancte concessam quod fideliter exigam colligam recipiam atque custodiam ipsam decimam non deferendo in hiis alicui persone cujuscumque ordinis status conditionis aut dignitatis existat prece timore gratia vel favore vel alia quacumque de causa et eam integre restituam et assignabo prout a vobis recepero in mandatis Et super premissis omnibus et singulis plenam et fidelem rationem reddam vobis Et si contingat vos officium quod in premissis geritis dimittere hec eadem faciam juxta mandatum illius qui substituetur in eodem officio sic me Deus adjuvet et hec sancta Evangelia Datum Lugduni xij kalendas Novembri pontificatus nostri anno tertio