Charter Document - 07021852
| Charter Number: | 07021852 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1275 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 2 (f121r) |
Charter:
Pateat universis ad quorum notitia pervenerit hec scriptura quod cum ego Johannes de Evesham contra magistrum Alexandrum de Cave decanum Beverlaci temere presumpsissem et ei injuriam irrogassem cumque super hoc coram domino Ebor inter nos contentio esset mota tandem per amicabiles compositiones dicta contentio taliter conquievit videlicet quod pro dampnis datis eidem magistro restituam unam marcam Et si de cetero contra eundem vel suos injuriose presumam et eum vel suos per me vel alios legero seu damnifica vero quoquo modo teneor solvere domino Ebor archiepiscopo viginti marcas nomine pene nisi docere possim quod vim vi fecerim talia repellendo Ad cujus pena solutionem si taliter sit commissa volo compelli per eundem [dominum] Ebor vel ipsius officialem per excommunicationis sententiam si sit opus renuncians insuper in premissis omni cavillationi regie prohibitioni omni privilegio crucesignatis indulto et etiam indulgendo et omni juris remedio per quod me possem defendere vel tueri In cujus rei testimonium sigilli mei apposuimus huic scripto Datum apud Burton juxta Beverlacum ij idus Martii Anno domini MCCLXX quarto et pontificatus domini Archiepiscopo anno nono