Charter Document - 07021741
| Charter Number: | 07021741 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f105v) |
Charter:
W[alterus] [] domino Adam de Everingham salutem Per domini regis mandatum quod alias recepistis et iterum cum presentibus recipietis constare vobis poterit manifeste quod placet et placuit ipsi domino libertates nostras in foresta de Shirewode plene salvare et quod eis sicut hactenus gaudeamus ideoque non mirari non possumus quod vos quem specialissimum habuisse speramus libertates predictas violare presumitis et turbare et maxime quo ad attachiamenta de viridi in boscis nostris infra forestam predictam que per forestarium et ballivos nostros fieri debent impedientes eosdem ne suum possint officium exercere quasi in mandatorum domini regis contemptum ecclesiastice libertatis prejudicium nostrumque dispendium manifestum necnon et anime vestre periculum cum super vos cadat per hoc sententia per prelatos Anglie sepe lata Quocirca dilectionem vestram monemus et etiam requirimus in Domino Jhesu Cristo quatinus que in hac parte fecistis per vos vel vestros cautius revocantes ab hujusmodi injuriis decetero desistatis scituri quod quantumcumque nobis subditis parcere studeamus pretermittere non valeamus quin secundum rigorem sententie memorate excommunicando interdicendo et alias puniendo contra violatores seu perturbatores hujusmodi procedamus Ad hec de aeria nisurum capta in bosco nostro per quosdam maleficos qui de vestris esse creduntur est illata nobis injuria manifesta quam nobis petimus emendari ne contra eos ac eorum fautores non solum spiritualiter set et per temporalem potentiam quatenus lex terre permittit acriter procedamus Quid autem super hoc facere volueritis per latorem presentium litteratorie nuncietis Valeatis