Charter Document - 07021671
| Charter Number: | 07021671 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f86v) |
Charter:
W[alterus] [] karissimo consanguineo suo Ricardo de Clifford salutem [] Dominus decanus Lincoln personaliter ad nos accedens litteris domini nostri regis de judicio super advocatione ecclesie de Claworthe nobis exhibitis suum admitti presentatum ad eandem instantius postulabat cujus profectibus persone meritis circumspectis quantumcumque gratis favoribus annuere votivus debeamus Quoniam ipsum negotium vos contigit qui ex regali munificentia ad ipsam ecclesiam presentari meruistis ipsius quod aspernanter gessimus exaudire preces nequivimus patronatu principis indiscusso eo presertim quod res inter alios judicata ex regnantis prerogativa majestatis nullo casu jura regalia mutilat perimit vel involvit Ceterum quia tempus non currit concilii sollicitudini regie patronatum ecclesie vendicanti statui nostro arbitramur conveniens et honori ut discussioni instetis strenue vel causam nullatenus perturbetis recolentes inter presumptiones canonum contineri ut qui judicium refugit evidentia rei se discissum de justitia manifestat De omnibus quoque confiteri presumitur qui dilationibus judicium subterfugere declaratur Si ex vestre discretionis sollertia investigata veritate perpenderit judicium regium in hac parte falso rumore perlato circumventum vobis propensius suademus ut dictum dominum decanum qui pro jure ecclesie sue militat quantum in vobis est molestari indebite non sinatis Valeatis