Charter Document - 07021584
| Charter Number: | 07021584 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1266 |
| Date type: | Internal, A.D., Feast |
| Resource Link(s): |
Borthwick Institute - Register 2 (f67r) |
Charter:
B[onifatius] [] venerabili [] per dioecesim et provinciam Cantuar constitutis Salutem [] Cum Summus Pontifex nobis ceterisque ecclesiarum prelatis per suas litteras et mandata fratres et negotium Hospitalis Sancti Spiritus in Saxia de Urbe Romana commendet nosque promotionem dicti Hospitalis diligamus et ab aliis diligi peroptemus universitati vestra per apostolica scripta mandamus quatinus cum fratres dicti Hospitalis vel eorum nuncii ad vos accesserint elemosinas fidelium petituri ipsos benigne et sine contradictione admittatis et cum ab eis fueritis requisiti convocari faciatis omnes presbiteros parochiales vobis subditos quod compareant coram vobis certis diebus et locis vobis et a latore presentium assignandis mandatum domini Pape audituri et facturi dictis presbiteris ex parte domini Pape districtius injungentes ut negotium dicti Hospitalis per tres dies Dominicos continuos exponant et elemosinas fidelium personaliter colligant et reddant certis diebus et locis iterato in locorum capitulis a latore presentium assignandis Istud mandatum sic efficaciter adimplentes ut obedientia vestra merito debeat commendari Datum apud Cantuar Die Dominica proxima ante festum Sancti Mathei Apostoli et Evangeliste anno domini MCCLX sexto