Charter Document - 07021580
| Charter Number: | 07021580 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Assurance |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f66r) |
Charter:
Venerabili [] domino Jacobo de Sabello ac Sancte Marie in Cosmadin diacono sacrosancte Romane ecclesie cardinali W[alterus] permissione [] salutem in Eo qui est vera salus Ex studiis suis intelligitur puer et ex operibus se reddit commendabiliter cognoscibilem si susceptum rei gerende negotium suis fideliter viribus prosequatur Cum itaque lator presentium mandatum vestrum super repetitione illius quam a nobis petebatis pecunie quantitatis se diligenter exhibuit industrium et fidelem ipsum vobis recommendamus propensius et a vobis ex fideli obsequio appetimus plurimum commendari Ceterum quoniam pecuniam ipsam et etiam ampliorem vobis nuper misimus per magistrum Gilbertus subdecanum Ebor procuratorem nostrum ad petendum pallium in curia Romana et alia que nobis incumbunt faciendum non imputetis procuratori vestro quod pecuniam hujusmodi non recepit qui in nullo negligens extitit vel remissus Sane quia vobis prolixius scripsimus [per] procuratorem nostrum antedictum quem ad paternitatis vestre clementiam specialiter misimus de vestra benivolentia singularem fiduciam reportantes ad presens vobis abreviato et stilo scribimus circumciso votive quantum sufficimus supplicantes quatinus procuratori nostro cum ad vos fiducialiter accesserit pro nostris negotiis promovendis eidem ex benignitate solita vestre sinceritatis consilium providum et presidium efficax impendatis Valeatis []