Charter Document - 07020920

Universis Cristi fidelibus [] Godfridus miseratione divina Ebor archiepiscopus Anglie primas salutem [] Cum Agnes priorissa et moniales de Wallendewell super ecclesiis de Karleton Canteley et Maresey in quibus jus patronatus habebant se et ecclesias ipsas ac totum jus quod eis in ecclesiis eisdem competit ordinationi nostre pure et absolute submiserint concedentes et cum instantia supplicantes quatinus habentes Deum per oculis de ecclesiis eisdem ad honorem Dei et animarum com[m]odum ordinemus nos advertentes quod improba potentium ambitio et malicia temporis invalescens moniales ipsas in vacationibus ecclesiarum earumdem ad animarum regimen ydonearum personarum electionem habere liberam non sinebant quodque domus ipsarum monialium bonis temporalibus destituta paupertate nimia premebatur de expresso assensu et voluntate domini Warini de Dyva rectoris ecclesie de Karleton qui ordinationi nostre super eadem ecclesia similiter et totaliter se subjecit diligenti et sollempni tractatu cum jurisperitis habito in nomine Trinitatis ordinamus quod moniales ipse ad sui sustentationem in proprios usus inperpetuum habeant et percipiant decimas garbarum de xviij bovatas terre in parochia de Karleton de quibus Rogerus Cocus tenet unam bovata Amabilis de Sancto Quintino i bovata Normanus de Warwyke duas bovatas Galfridus de Warewyke j bovata Rogerus Ruffus j bovata Cecilia dicta Nutrix j bovata Arnulphus le Nunneman j bovata Dobin de Hundegate j bovata Jordanus Godman j bovata Thomas filius Arnulphi j bovata Dobin de Swainesthorpe j bovata Johannes de Wellebec j bovata Willelmus filius Nicholai et Alicia soror ejus j bovata Ricardus de Hoderode j bovata Henricus de Langalde j bovata Thomas Anglicus j bovata Benedictus Buthun j bovata Ordinamus insuper quod dicte moniales a prestationibus omnimodarum decimarum tam majorum quam minorum de terris et ratione terrarum quas in dominico tempore hujus ordinationis in parochia ecclesie de Karleton habebant penitus sint immunes Volumus autem quod prefatus rector et quicumque eidem ecclesie de Karleton ad regimen animarum prefectus fuerit omnia onera ecclesie sustineat excepto quod moniales ipse extraordinaria onera agnoscent pro quarta portione Et quia per concessiones hujusmodi in usus proprios plerumque legi solet jus ecclesie cathedralis in recompensationem lesionis pensius advocationes ecclesie de Karleton excepta portione predicta et ecclesie de Kanteley plene Ebor ecclesie reservamus Ordinamus quod archiepiscopus Ebor qui pro tempore fuerit de ecclesia de Karleton salva portione prefata et ecclesie de Kanteleye predictis cum eas vacare contigerit de personis ydoneis provideat prout animarum saluti viderit expedire Solutio etiam pensionum xx solidorum de ecclesia de Karleton et ij marcarum de ecclesia de Kanteley quas prefate priorissa et moniales ab ecclesiis ipsis percipere solebant auctoritate hujus ordinationis cesset in posterum et penitus evanescat Priorissa autem et moniales supradicta ad ecclesiam de Maresey de consilio et assensu archiepiscopi qui pro tempore fuerit infra mensem a tempore vacationis personam ydoneam presentabunt alioquin licebit archiepiscopo illa vice de ecclesia ipsa pro sue voluntatis arbitrio libere providere Si vero super jure patronatus alicujus ecclesiarum predictarum contigerit contentionem aliquam suscitari priorissa et moniales ipse litem usque ad finem negotii cum sumptibus archiepiscopi prosequentur Reservamus autem nobis potestatem ordinationem ipsam corrigendi et mutandi pro nostre voluntatis arbitrio qualitercumque ecclesiarum utilitati et animarum saluti viderimus expedire Quod si ista ordinatio aliquo casu contingente processu temporis infirmetur volumus quod res ad statum pristinum revertatur ita quod jus monialium quod in ecclesiis prefatis tam quo ad patronatus quam quo ad pensiones predictas ante tempus ordinationis istius habebant eis in omnibus preservetur