Charter Document - 07020915

In nomine Domini Amen [] Occurrerunt subscripta per inquisitionem specialiter corrigenda videlicet quod prior frequentius intret claustrum et capitulum et excessus corrigat secundum regulam sine delectu quolibet personarum Quod comedat in refectorio quociens infirmitas sua permittit Quod creentur obedientiariis et ballivi jurent fidelitatem coram conventu Quod prior faciat audiri tam obedienti ariorum quam ballivorum compotus per aliquos de discretioribus de conventu bis in anno semel visu aliter et secundo finaliter non in grossum set in omnibus particulis et omnia tam instaurem quam alia fideliter et plenaria in rotulis conscribantur quorum unus remaneat penes priorem et alius in thesauraria anno sequenti in compoto producendus ut inde possit apparere industria vel negligentia prefectorum et alienandi facultas per manifestationem veracem salubriter adimatur Quod duo receptores sive bursarii constituantur in domo qui omnem pecuniam recipiant et inde plene respondeant coram priore et senioribus de capitulo proviso quod singuli eis respondeant de singulis expensis ita quod compotus sit integer et minime dividatur quod audito compoto manifestetur status domus veraciter in conventu Quod duo de discretioribus canonicis vel unus cum celer ario mittantur ad singula maneria domus ad videndum instaurem et qualiter omnia conserventur in omnem eventum de statu singulorum plenius eis constet Quod celerarius [peragat] suum of[f]icium et ministri domus ei obediant sicut decet Quod provideatur de debitis domus solvendis Quod prior in majoribus negotiis utpote in emptionibus venditionibus et traditionibus terrarum ac aliis majoribus negotiis utatur consilio conventus et maxime seniorum proviso quod nulla signetur scriptura sigillo conventus super alienationibus traditionibus vel aliis magnis contractibus nisi prius tractetur in conventu communiter de eadem et non nisi omnibus consentientibus vel majori parte conventus Quod bona pertinentia ad fabricam ecclesie alicui discrete et benivolo committantur ut ecclesia melius cooperiatur ne per distillationem pluvie pereat sicut jam cepit Quod domus infirmarie cooperiantur Quod cantaria pro defunctis ad quas obligatur monasterium fiant decetero sicut fuerant ab initio constitutos Quod silentium melius solito observetur Quod non fiat discursus secularium in infirmaria sicut hactenus Quod infirmi decetero melius procurentur et provideatur eis secundum infirmitatum quorumlibet qualitatem quominus ad illicita manus extendere compellantur Quod in refectorio non admittantur hospites ita passim sicut hactenus et maxime minus honeste persone Quod elemosina melius custodiatur decetero colligatur et distribuatur Quod canonicus nobis insciis restitutus de novo non restituatur ad locum suum plenaria nisi peracta penitentia et de nostro consensu ne facilitas venise pariat incentivum peccandi Hec autem omnia supradicta precipimus in virtute obedientie corrigi infra mensem