Charter Document - 07020910
| Charter Number: | 07020910 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1275 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f137r) |
Charter:
Anno Domini MCCLXXV viij idus Octobris vacante monasteriis ecclesie Beate Marie de Boulton in Cravene ordinis Sancti Augustini per amotionem fratris Willelmus Hog nuper prioris ejusdem nos subprior et ceteri canonici domus ejusdem de Boulton qui tunc presentes fuimus et dictam amotionem per venerabilem patrem nostrum archiepiscopum Ebor factam vidimus et in scriptis solempniter audivimus receptoque mandate a dicto venerabili patre ut ad electionem faciendam procederemus in crastino videlicet die Sanctorum Dionisii Rustici et Eleutherii convenimus in capitulo nostro secundum antiquam et approbatam monasterii nostri consuetudinem ad tractandum de die electionis futuri prioris celebrande nosque decrevimus diem Sabbati proxima post festum Sancte Luce Evangelista proxima futuri dictam electionem prestante Domino celebrari In cujus rei testimonimu presenti scripto sigillum capituli nostri est appensum Acta in capitulo de Boulton anno et die superius annotatis