Charter Document - 07020908
| Charter Number: | 07020908 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1274 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f133r) |
Charter:
W[alterus] dei gratia [] discretis viris magistro Rogero de Seton et sociis suis justiciariis domini regis de Banco salutem et sinceram in Domino caritatem Cum Matildis filia Rogeri de Hundmanby monialis de Ellerton nostre dioecesis propter ipsius manifestam contumaciam et offensam excommunicationis vinculo innodata animo obstinato diutius in eadem excommunicatione perduraverit ac claves ecclesie contempnens communioni fidelium se ingerat in salutis proprie detrimentum vos rogamus quatinus ipsam Matildem quam vobis et aliis Cristi fidelibus in scriptis denunciamus excommunicatam artius evitetis et coram vobis ab omni actu legitimo repellatis quousque a nobis invenerit absolutionis beneficium obtinere Datum apud Cawod idus Octobre pontificatus nostri anno octavo