Charter Document - 07020904
| Charter Number: | 07020904 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1262 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f132v) |
Charter:
Urbanus episcopus servus servorum Dei dilectis filiis generali ac ceteris prioribus et fratribus prepositis ordinis Beate Marie de Monte Carmeli salutem et apostolicam benedictionem Vobis ad hec tota mente sollicitis ut eterno regi per religiose vite studium placeatis que animarum salutem paritura credimus benigno concedere favore debemus Hinc est quod nos vestris supplicationibus annuentes presentium vobis auctoritate concedimus ut confratrum et familiarium vestrorum ac aliorum fidelium causa devotionis ad vos recurrentium de suorum licentia prelatorum confessiones audire et eis pro commissis penitentiam salutarem injungere valeatis nisi forte talia com[m]iserint propter que Sedes Apostolica sit merito consulenda Nulli ergo [] Data Viterbii idus Maii pontificatus nostri anno primo