Charter Document - 07020902

Universis [] W[alterus] permissione [] salutem in Domino sempiternam Noverit universitas vestra nos bona fide teneri Conrado Asinario procuratori venerabilis viri domini Lodowyci de Sabaudia canonici Ebor et ipsi domino Lodowico pro fructibus et decimis et aliis juribus et pertinentiis portionis ecclesie de Otteley ad dictum Lodowycum spectantis quos ad firmam recepimus de predicto Conrado procuratore dicti Lodowyci pro utilitate ecclesie nostre Ebor duraturam a festo Beati Johannis Baptiste anno gratie MCCLXX sexto usque ad idem festum Sancti Johannis Baptiste quod erit anno gratie MCCCLXX nono in tres centis marcis bonorum novorum et legalium sterlingorum persolvendis ipsi Conrado vel alii certo et legitimo procuratori ipsius domini Lodowyci in Londoniis apud Novum Templum in festo Sancti Johannis Baptiste quod erit Anno Domini MCCCLXX septimo centum marcis et in eodem festo proximo subsequente quod erit Anno Domini MCCLXX octavo centum marcis et in eodem festo quod erit anno tertio subsequente scilicet Anno Domini MCCLXX nono centum marcis Si vero dictus procurator vel alius pro eo presens non fuerit pro predicta pecunia recipienda loco et terminis supradictis nos W[alterus] archiepiscopus supradictus per legitimam stipulationem promittimus dictam pecuniam pro ipso domino Lodowico in deposito thesaurarii dicti Templi periculo dicti domini Lodowici eidem vel suo speciali nuncio sive procuratori legitimo sine contradictione nostra libere persolvendam Si vero dictam pecuniam non solverimus aut deposuerimus loco et terminis supradictis prout superius est expressum per legitimam stipulationem promittimus dicto procuratori nomine dicti Lodowyci et ipsi domino Lodowici dare et solvere pro cessatione cujuslibet termini si quod absit evenerit decem marcas nomine pene et nihilominus refundere et restituere omnia dampna interesse et expensas que et quas dictus dominus Ludowicus vel ejus procurator sustinuerit vel incurrerit pro defectu pecunie suis loco et terminis non solute credendo de dampnis et interesse et expensis simplici verbo dicti procuratoris vel alterius constituti ab ipso domino Lodowico sive ipso procuratore sine onere juramenti et alterius probationis juris Nos vero agnoscemus omnia onera ordinaria debita et consueta extraordinaria vero si qua emerserint sustinebuntur de firma et in solutione firme al locabuntur Pro predictis inviolabiliter observandis obligamus nos et ecclesiam nostram et omnia bona nostra mobilia et immobilia presentia et futura et submittimus nos et bona nostra ex nunc in omnibus et singulis supradictis jurisdictioni cujuslibet judicis quem dictus dominus Lodowicus vel ejus procurator duxerit eligendum ut si in aliquo predictorum defecerimus possit nos compellere per censuram ecclesiasticam usque ad satisfactionem condignam Sane in premissis omnibus et singulis pro nobis et successoribus nostris renunciamus omnis juris auxilio canonici et civilis indulgentiis et privilegiis que nobis prodesse possent et ipso domino Lodowico obesse et specialiter constitutioni de duabus dictis edite in concilio generali Si vero post predictum triennium dictus dominus Ludowicus vel ejus procurator fructus et decimas dicte portionis ad manus suas voluerint retinere vel aliis ad firmam dare licebit eis absque nostra contradictione prout eis melius videbitur expedire Datum apud Lanum vj idus Junii anno gratie MCCLXX sexto In cujus rei testimonium duo instrumenta sunt inde ad modum cyrographi confecta quorum unum sigillatum nostro sigillo residet penes dictum Conradum procuratorem et aliud penes nos sigillo predicti procuratoris residet sigillatum