Charter Document - 07020895
| Charter Number: | 07020895 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1275 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f131r) |
Charter:
W[alterus] [] dilecto in Cristo filio magistro Alexandro de Alverton salutem gratam et bendictionem Miramur quod vos homo prudentissimus et peritus qui novistis executionem testamenti quondam Hugonis de Driffeld burgensis Beverlaci ad nos esse sublatis de medio suis executoribus devolutam solutionem quinquaginta marcarum quas nobis vices executorum gerentibus ad festum Nativitatis Beati Johannis Baptiste proxima preteritum tenebamini persolvisse prout vestra scriptura loquitur quam habemus numerare nobis voluntarie distulistis ex quo nonnulli indigentes in quorum usus pios et necessarios decrevimus de Catholicorum [Patrum] consilio dictam pecuniam erogandam sentiunt non modicam sue inopie lesionem Propter quod vos hortamur in Domino familiariter et monemus quatinus subtractam hactenus solutionem faciatis nobis fieri ut tenemeni celeriter et decenter ne vestre fidelitatis serenitas quam nonnulli ex vestra debiti confessione spontanea conceperunt morosis ambagibus obfuscetur s[c]ituri quod indigentia pauperum inter quos dictam pecuniam distribui oportebit nos stimulat fortiter et impellit quod via cohercionis canonice vos compellamus solvere vel invitos et ut de residue ad festum Sancti Michaelis persolvendo cautius et sagacius operemur Super hiis igitur responsum nobis efficax rescribatis per presentium portitorem Valeatis Datum apud Beverlacum iiij idus Augusti pontificatus nostri anno nono