Charter Document - 07020894
| Charter Number: | 07020894 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1275 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f131r) |
Charter:
W[alterus] [] dilectis et fidelibus suis Johanni de Mechine et Reginaldo dicto le Porter ac aliis quibuscumque ballivis suis baronis de Cherchesdon salutem gratam et benedictionem Quia viris providis et discretis magistro Thome de Button archidiacono et domino Rogero de Cruk preposito executoribus testamenti bone memorie domini Willelmi secundi Bathoniensis et Wellensis episcopi pro quadam pecunie summa quam eis tenemur solvere bona fide fructus et obventiones dicte baronis assignavimus et concessimus in solutum donec eisdem fuerit de eadem pecunia plenaria satisfactum vobis mandamus firmiter injungentes quatinus eisdem vel eorum procuratori omnem pecuniam quam de dictis fructibus et obventionibus salva necessaria sustentatione maneriorum dicte baronis poteritis explicare in domo Sancti Oswaldi Glovernie ad duos anni terminos de anno in annum solvere studeatis Et ut eisdem executoribus major paretur securitas in hac parte volumus quod eisdem corporale juramentum prestetur de premissis fideliter adimplendis Valeatis Datum apud Stanewelle v kalendas Junii pontificatus nostri anno nono